17 верасня 2019, aўторак, 16:34
Мы ў адной лодцы
Рубрыкі

БАТЭ прадаў «Црвене Звяздзе» Іваніча

БАТЭ прадаў «Црвене Звяздзе» Іваніча
МІРКА ІВАНІЧ
ФОТА: ФК БАТЭ

Паўабаронца падпісаў трохгадовы кантракт з сербскім клубам.

Паўабаронца Мірка Іваніч заключыў кантракт з «Црвенай Звяздой». Пагадненне з 25-гадовым чарнагорцам разлічанае на 3 гады, паведамляе «Трибуна».

Раней паведамлялася, што сербскі клуб заплаціць за Іваніча 1,3 млн еўраў.

З 2016 года Іваніч выступаў за БАТЭ, у складзе якога тройчы станавіўся чэмпіёнам Беларусі (2016, 2017,2018). Двойчы ўваходзіў у спіс 22 найлепшых футбалістаў чэмпіянату Беларусі (2017, 2018). Усяго за барысаўчан Іваніч адыграў у 78 матчах вышэйшай лігі і забіў 17 мячоў.

У мінулым сезоне на рахунку Іваніча 7 галоў і 4 дзейсныя пасы ў 25 матчах чэмпіянату Беларусі. У 12 матчах Лігі чэмпіёнаў і Лігі Еўропы ён вызначыўся двойчы.