Еўрапарламент заклікаў афіцыйна прыпыніць перамовы аб уступленні Турцыі ў ЕЗ
1- 13.03.2019, 20:42
- 8,574
У Еўрапарламенце аргументавалі сваё рашэнне тым, што ў Турцыі ігнаруюцца правы чалавека і грамадзянскія свабоды.
Еўрапарламент зацвердзіў справаздачу камітэта ў замежных справах з заклікам да Еўракамісіі і дзяржаваў-сябраў афіцыйна прыпыніць перамовы з Турцыяй пра ўступленне ў ЕЗ, паведамляе eurointegration.com.
Пра гэта паведаміла ў Twitter аўтар справаздачы еўрадэпутат Каці Піры.
«Еўрапейскі парламент толькі што прыняў маю справаздачу аб Турцыі, паклікаўшы лідараў ЕЗ афіцыйна спыніць перамовы аб далучэнні і паказаць салідарнасць з турэцкімі дэмакратамі», - напісала Піры.
The European Parliament just adopted my #Turkey report, calling on EU leaders to formally suspend accession talks & show solidarity w/ Turkey’s democrats. pic.twitter.com/cbjyuJ5EMp
— Kati Piri (@KatiPiri) 13 марта 2019 г.
Камітэт аргументаваў сваю пастанову тым, што ў Турцыі ігнаруюцца правы чалавека і грамадзянскія свабоды, аказваецца ўплыў на судовую сістэму, не вырашаныя спрэчкі з Кіпрам і іншымі суседзямі.
У МЗС Турцыі раней раскрытыкавалі пастанову камітэта, назваўшы яе непрымальнай.
Турцыя кажа, што сяброўства ў ЕЗ застаецца адной з галоўных стратэгічных мэтаў, нягледзячы на тое, што перамовы аб уступленні, афіцыйна пачатыя ў 2004 годзе, гадамі знаходзяцца ў замарожаным стане.
