Хуан Гуайдо мяняе кіраўніцтва галоўнай нафтавай кампаніі Венесуэлы
1- 14.03.2019, 9:59
- 9,733
Гэта патрэбна для захавання Citgo ва ўласнасці краіны.
Кіраўнік нацыянальнай асамблеі Венесуэлы і прэзідэнт краіны Хуан Гуайдо, абвясціў аб будучай змене кіраўніцтва дзяржаўнай нафтавай кампаніі PDVSA і яе амерыканскага падраздзялення Citgo.
Адпаведную заяву Гуайдо апублікаваў у сваім Twitter.
«Пачаць працэс прызначэння рады дырэктараў PDVSA і Citgo, які дазволіць запусціць аднаўленне нашай прамысловасці», - напісаў в.а. кіраўніка дзяржавы. Паводле ягоных слоў, гэтыя крокі патрэбныя для захавання Citgo ва ўласнасці Венесуэлы.
#ComunicadoOficial al pueblo de Venezuela de los avances logrados sobre el:
— Juan Guaidó (@jguaido) 28 января 2019 г.
Acuerdo en solicitud de protección de activos del Estado venezolano.#ANAvanzaConResultados pic.twitter.com/i7ec6UyKbm
Трымальнікі аблігацый PDVSA, тэрмін выплаты за якія заканчваецца ў 2020 годзе, павінны ў канцы красавіка атрымаць выплаты сумай $72 млн. Гэтыя аблігацыі забяспечаны пакетам акцый Citgo Holdings сумай 50,1%. Калі выплаты не будуць выкананыя, крэдыторы змогуць атрымаць кантроль над кампаніяй.
Раней, 26 студзеня, Bloomberg паведаміў пра пастанову Банка Англіі адказаць адмовай на заяўку ўрада Нікаласа Мадуры аб вяртанні залатых зліткаў на суму $1,2 млрд. Адпаведную пастанову прадстаўнікі банка, са слоў аднаго з суразмоўцаў агенцтва, прынялі пасля таго, як амерыканскія чыноўнікі, у тым ліку дзяржсакратар Майкл Пампэа і дарадца прэзідэнта ЗША ў нацыянальнай бяспецы Джон Болтан, пераконвалі сваіх брытанскіх калег дапамагчы «адлучыць рэжым Мадуры ад яго замежных актываў».
