Ігар Крывушэнка: Хацелася б згуляць больш годна, і перадумовы былі
13- 22.03.2019, 9:53
- 11,662
Галоўны трэнер футбольнай нацыянальнай каманды Беларусі пракаментаваў гульню з Галандыяй.
Галоўны трэнер футбольнай каманды Беларусі Ігар Крывушэнка рэзюмаваў у інтэрв'ю pressball.by паразу ад каманды Галандыі на старце кваліфікацыі чэмпіянату Еўропы-2020.
- Наколькі гол ужо на 50-й секундзе зламаў план на гульню?
- Стараліся дзейнічаць, як і планавалі. Але прапусцілі досыць смяхотны гол, таму трошкі крыўдна. Але важны момант: усё ж такі стараліся, спрабавалі, былі падыходы ў нас. І ў першым тайме, і ў другім, калі каманда спаборніка засталася ўдзесяцёх. Нас стала больш - шкада, што нічога з гэтага не выціснулі.
- Гарбуноў пачынаў гульню ад сваёй брамы праз абаронцаў. Наколькі гэта спрацавала і ці засталіся гэтым задаволеныя?
- Натуральна, пасля такой паразы немагчыма быць задаволеным. Зразумела, што памылкі былі ва ўсіх лініях. Памылкі былі ў многіх пачынаннях, якія стараліся рабіць. Відаць, не надта, але нешта спрабавалі рабіць. Гэта важна.
- Чаму надумалі так дзейнічаць, і якім быў план?
- Трэба было кантраляваць мяч, бо цяжка абараняцца і адбіраць мяч цягам доўгага часу. Таму хацелася, каб таксама быў свой кантроль. І выхад [з абароны] быў. Момантамі атрымлівалася, момантамі - не вельмі.
- 20 хвілін гулялі ў большасці, але нават у гэтым адцінку прапусцілі гол. Як вам гэтая дваццаціхвілінка?
- Тут адштурхнуся ад прапушчанага гола. Нельга, нельга было так гуляць у абароне. Мы далі тры разы прабіць па нашай браме: удар - падбор, удар, удар і ... Трапіў свайму ў галаву і забіў. У гэтай сітуацыі трэба было дапамагаць брамніку, а мы перасталі змагацца, - сказаў Крывушэнка ў жывым эфіры "Беларусь 5".
- 0:4 - справа толькі ў розніцы ў класе, ці нешта большае не спрацавала?
Ужо казаў: хацелася б згуляць больш годна. Перадумовы былі. Але тут, як у тэнісе, бываюць нявымушаныя памылкі. Сёння мы дапусцілі іх вельмі шмат.