19 лiпеня 2019, Пятніца, 20:25
Мы ў адной лодцы
Рубрыкі

Брытанец выпіў піва ў самым паўночным і самым паўднёвым пабе свету

1
Фото: bigpicture.ru

Дзеля гэтага праехаў на аўто больш за 30 тысяч кіламетраў.

А на што вы гатовыя дзеля таго, каб прапусціць кухаль піва? Вось жыхар брытанскага горада Плімут Бэн Кумбс (Ben Coombs) загарэўся ідэяй выпіць у самым паўночным і самым паўднёвым пабе свету і дзеля гэтага праехаў на аўто больш за 30 тысяч кіламетраў, паведамляе bigpicture.ru.

ФОТА: BIGPICTURE.RU

Ідэя праехацца па піва прыйшла Бэну ў галаву, вядома ж, за кухлям пеннага. Доўгая піўная экспедыцыя пачалася на востраве Шпіцберген, ва ўстанове маленькага шахцёрскага пасёлка Піраміда, дзе жывуць усяго чатыры чалавекі.

ФОТА: BIGPICTURE.RU

«Усе жыхары пасёлка жывуць у адзіным будынку, які ўсё яшчэ функцыянуе - старым гатэлі, дзе і знаходзіцца бар».

ФОТА: BIGPICTURE.RU

Калі Бэн шукаў самы паўночны і паўднёвы пабы, то даведаўся, што бары ёсць нават у Антарктыдзе, але патрапіць туды не атрымаецца. Гэтыя бары знаходзяцца альбо на закрытых базах, альбо нелегальныя. Таму фінальным пунктам экспедыцыі стаў бар у чылійскім горадзе Пуэрта-Уільямс на востраве Вогненная Зямля.

ФОТА: BIGPICTURE.RU

У доўгае падарожжа Бэн адправіўся на ўласным аўтамабілі TVR Chimaera, якому нядаўна споўнілася 20 гадоў. З Піраміды Бэн праехаў праз усю Еўропу ў Саўтгэмптан, дзе пагрузіў аўто на карабель і адправіўся ў Нью-Ёрк. Затым праз Злучаныя Штаты ў Каліфорнію, а далей - у Мексіку. Дарэчы, старэнькі аўтамабіль падарожжа перажыў з годнасцю, за ўвесь час давялося замяніць толькі счапленне.

ФОТА: BIGPICTURE.RU

Праз сем месяцаў пасля старту Бэн прыбыў у самы паўднёвы паб. Праўда, ён яму не вельмі спадабаўся: пластыкавая мэбля і меню, у якім толькі лагер і танны віскі. Але ўражанні ад экспедыцыі гэта не сапсавала.

«Можа, існуюць і больш прывабныя месцы, дзеля якіх можна праехаць 30 тысяч кіламетраў, але справа не ў гэтым. Важна ж само падарожжа, а не пункт прызначэння».