Гераіня прапагандысцкага фільма пра «ЛНР» перайшла на бок Украіны
19- 3.03.2019, 21:17
- 39,153
Украінка прыхапіла з сабой важныя довады супраць акупантаў.
Украінка Святлана падманула прапагандыстаў РФ і тэрарыстаў "Л/ДНР", вярнуўшыся на падкантрольную Украіне тэрыторыю з мноствам довадаў супраць акупантаў.
Пра гэта паведаміў у Facebook журналіст Андрэй Цапліенка, адзначыўшы, што жанчына будзе "залатой" сведкай суду ў Гаазе, паведамляе "Обозреватель".
"Яе называлі сімвалам Наваросіі! Крэмль не пашкадаваў грошай, каб зняць пра яе першы поўнаметражны ЛНРаўскі блокбастар "Ополченочка". Акупанты ўпарта анансуюць прэм'еру "Ополченочки" ў дзень перамогі 9 траўня. А тут такая прыкрасць", - расказаў журналіст.
Паводле ягоных слоў, Святлана збегла з ОРДЛО, нягледзячы на высокую вайсковую пасаду і матэрыяльныя даброты.
"З дзіўнага супадзення, адразу пасля таго, як нехта падарваў адразу восем танкаў ваеўнікоў, якія стаялі радком на палігоне. А галоўнае, Святлана вывезла з ОРДЛО довады, якія пацвярджаюць злачынства расейцаў ды іхнія намеры далейшага ўварванне на ўкраінскую тэрыторыю. Проста залатая сведка" , - дадаў Цапліенка.