Пайшоў з жыцця саліст легендарнага гурта The Prodigy

Кіту Флінту было 49 гадоў.

Лідар брытанскага гурта The Prodigy Кіт Флінт памёр ва ўзросце 49 гадоў. Пра гэта паведамляюць РІА «Новости» са спасылкай на The Sun.

Ён быў знойдзены мёртвым у сваім доме ў Эсэксе ўранку.

Кіт Флінт нарадзіўся ў 1969 годзе. У 1990 стварыў гурт The Prodigy. Спачатку ён удзельнічаў у калектыве ў якасці танцора, але ў 1996 годзе ўпершыню запісаў сінгл у якасці вакаліста.