23 лiпеня 2019, aўторак, 0:46
Мы ў адной лодцы
Рубрыкі

Касмічны карабель Crew Dragon вяртаецца на Зямлю

9
Фота: NASA

Праз некалькі гадзін ён павінен прывадніцца ў Атлантычным акіяне.

Касмічны карабель Crew Dragon кампаніі SpaceX з манекенам на борце паспяхова адстыкаваўся ад Міжнароднай касмічнай станцыі. Пра гэта гаворыцца ў Twitter Нацыянальнага касмічнага агенцтва ЗША (NASA), піша «Гордан».

Карабель пачаў вяртанне на Зямлю. Праз некалькі гадзін ён павінен прывадніцца ў Атлантычным акіяне.

На YouTube-канале NASA вядзецца жывая трансляцыя палёту карабля.

Першы ў гісторыі прыватны пілатаваны касмічны карабель кампаніі SpaceX Crew Dragon стартаваў 2 сакавіка з мыса Канаверал у Фларыдзе з дапамогай шматразовай ракеты Falcon 9.

Экіпажа на борце карабля няма, там знаходзіцца манекен Рыплі, на якім ўстаноўлена тэставая прылада для збору звестак аб самаадчуванні чальцоў экіпажу.