Беларуская цяжкаатлетка Навумава здабыла золата на ЧЕ ў Батумі
2- 11.04.2019, 21:31
- 11,394
Дар'я Навумава здабыла залатую ўзнагароду ў дваябор'і.
Беларуская цяжкаатлетка Дар'я Навумава здабыла залаты медаль у дваябор'і на чэмпіянаце Еўропы ў Батумі. Яе рэзультат - 242 кг (106 + 136).
Навумава без праблем справілася з усімі спробамі у рыўку - 100, 104 і 106 кг. Паводле вынікаў першага практыкавання Дар'я здабыла срэбную ўзнагароду. У штуршку Навумава таксама ўпэўнена справілася з усімі падыходамі - 126, 131 і 136 кг. Паводле вынікаў другога руху беларуска была найлепшай. Акрамя таго, Дар'я стала адзінай спартоўкай у сваёй вагавой катэгорыі да 76 кг, што не дапусціла ніводнай памылкі.
Срэбра на рахунку Лідзіі Валянцін з Гішпаніі - 241 кг (108 + 133). Бронза ў дваябор'і здабыла шведка Патрыцыя Стрэніус - 233 кг (101 + 132).
Раней у групе B беларуска Дзіна Сазанавец паказала вынік 201 кг (94 + 107) і паводле вынікаў дваябор'я стала 11-й, - паведамляе weightlifting.by.