У Беларусі назіраецца дэфіцыт ападкаў
5- 13.04.2019, 13:56
- 13,196
Такая тэндэнцыя захаваецца і на наступным тыдні.
У большасці рэгіёнаў рэспублікі назіраецца дэфіцыт ападкаў, а месцамі ў Гарадзенскай, Менскай і Віцебскай абласцях з пачатку красавіка дажджоў не было наогул. У выхадныя сітуацыя не зменіцца. На надвор'е ў нашай краіне ўплывае антыцыклон, які прадаўжае ўмацоўваць свае пазіцыі над Скандынаўскім паўвостравам.
Пра гэта tut.by распавялі ў Белгідрамеце Мінпрыроды.
У суботу, 13 красавіка, у рэспубліцы будзе пераважаць сухое надвор'е, толькі ўначы ў крайніх паўднёва-ўсходніх раёнах Гомельскай вобласці магчымыя невялікія ападкі. Тэмпература паветра мінімальная ўначы -4, +2, месцамі -5...-7, максімальная ўдзень +5...+11. Такі тэмпературны рэжым на 2-4 градусы ніжэйшы за кліматычную норму для гэтых дзён красавіка. Адчуванне холаду ўзмоцніць парывісты паўночна-ўсходні вецер.
У нядзелю, 14 красавіка, чакаецца пераважна без ападкаў, толькі ўдзень у асобных раёнах на ўсходзе краіны магчымыя невялікія кароткачасовыя ападкі (дождж, мокры снег). Вецер паўночна-заходні, паўночны сярэдні, у дзённыя гадзіны парывісты. Тэмпература паветра ўначы -3, +3, пры прасвятленнях да -5, удзень +5...+12.
У панядзелак, 15 красавіка, будзе воблачна, месцамі пройдуць кароткачасовыя ападкі (мокры снег, дождж). Уначы ў асобных раёнах магчымы слабы галалёд. Вецер паўночны, паўночна-ўсходні сярэдні, удзень парывісты. Тэмпература паветра ўначы -3...+4, удзень +4...+11.
Згодна з папярэднім прагнозам, і на наступным тыдні ў многіх рэгіёнах краіны захаваецца дэфіцыт ападкаў.