7 снежня 2019, Субота, 17:25
Засталося зусім крыху
Рубрыкі

Што не так з візітам Лукашэнкі ў Турцыю

63
Што не так з візітам Лукашэнкі ў Турцыю
Валер Карбалевіч

Замах быў вялікім, але...

Палітолаг Валерый Карбалевіч у калонцы на «Радыё Свабода» назваў візіт Лукашэнкі ў Турцыю «у пэўным сэнсе дзіўным».

- Візіт быў не працоўным, а афіцыйным. Што прадугледжвае цэлы шэраг сустрэч і мерапрыемстваў. Пасол Беларусі ў Турцыі Андрэй Савіных напярэдадні візіту Лукашэнкі назваў яго «сістэмаўтваральным», адзначыўшы, што ён будзе «вызначаць двухбаковыя стасункі на многія гады наперад».

Напярэдадні візіту ў інтэрв'ю турэцкаму інфармацыйнаму агенцтву «Анадолу» Лукашэнка заявіў, што хоча, каб праз 3-5 гадоў з Турцыяй былі «такія ж цёплыя і сяброўскія стасункі, як, напрыклад, у нас сёння з Расейскай Федэрацыяй».

Замах быў вялікі. Аднак візіт стаўся кароткім.

16 красавіка Лукашэнка прыляцеў у Анкару аб 11:46, а вылецеў назад а 20:04. Такі спех неяк не дацягвае да апавяданняў пра «сістэмаўтварэнне» і «абсалютны прыярытэт».

Можна нават выказаць гіпотэзу, што нешта пайшло не так.

Лукашэнка не наведаў беларуска-турэцкі бізнэс-форум, які ў гэты дзень там праходзіў.

І наогул, калі правадыр прылятае толькі на некалькі гадзін, то навошта засяляцца ў гатэль?

Усё гэта наводзіць на думку, што праграма візіту з нейкіх прычынах на хаду была скарочаная. Падпісаныя дакументы былі відавочна не «прэзідэнцкага» ўзроўню.