Экспэрт: Першых касмічных турыстаў могуць адправіць на Месяц

Даследаванне Месяца цяпер уяўляе значную цікавасць.

Калі здолеюць ажыццявіць планы ў развіцці касмічнага турызму, то натуральны спадарожнік Зямлі можа стаць першым кірункам, заявіў РІА «Новости» кіраўнік цэнтра касмічных даследаванняў Кітайскай акадэміі навук Ван Чы.

«Цяпер у сферы касмічных даследаванняў асаблівая ўвага надаецца цэламу шэрагу кірункаў, як той казаў, у космасе не можа быць чагосьці проста важнага, ёсць толькі яшчэ больш важнае», - распавёў Ван Чы.

З ягоных слоў, па-першае, гэта даследаванні Марса. Да іх прыкаваная надзвычайная ўвага, «таму што, магчыма, асяроддзе на Марсе будзе прыдатнае для перасялення туды чалавецтва, і гэта цікавіць усіх».

Другой важнай тэмай з'яўляюцца даследаванні натуральнага спадарожніка Зямлі, «таму што ўсё ж Месяц да нас размешчаны бліжэй за ўсё. Калі мы нарэшце арганізуем касмічны турызм, то менавіта туды».

Кіраўнік Нацыянальнай касмічнай управы Кітая (CNSA) Чжан Кэцзянь заявіў, што Кітай мае намер пабудаваць даследчую станцыю на Месяцы і ажыццявіць месячную пілатаваную місію цягам дзесяці гадоў.

Кітай надае вялікае значэнне развіццю сваёй месячнай праграмы. Кітайская праграма зандавання Месяца «Чан'э» ўключае ў сябе тры этапы: аблёт вакол спадарожніка Зямлі («Чан'э-1» і «Чан'э-2»), пасадка на Месяц («Чан'э-3» і «Чан'э-4») і вяртанне з месяца на Зямлю («Чан'э-5» і «Чан'э-6»). Першы этап праграмы ўжо паспяхова скончаны. Цяпер рэалізуецца другі этап.

Місія «Чан'э-7» прадугледжвае агульнае даследаванне Паўднёвага полюса Месяца, у тым ліку комплекснае зандаванне месячнага рэльефу. «Чан'э-8», акрамя навуковых даследаванняў, павінен правесці на месячнай паверхні ключавыя выпрабаванні шэрагу тэхналогій.