Ганна Фатыга: Крыжы ў Курапатах не даюць спакою спадчыннікам сталінскіх злачынцаў
8- 5.04.2019, 8:15
- 23,600
Праяўлены ўладамі страх перад праўдай сведчыць пра тое, што перамога не такая ўжо і далёкая.
Кіраўніца Камітэта бяспекі і абароны Еўрапейскага Парламента, былая міністарка замежных спраў Польшчы Ганна Фатыга дала каментар для сайта Charter97.org з нагоды знішчэння крыжоў у Курапатах.
- Курапаты гэта асаблівае месца. Гэта месца, дзе спачываюць тысячы беларусаў, палякаў, габрэяў - забітых і пахаваных у братэрскіх магілах сталінскім НКВД. Пра такое страшнае злачынства немагчыма забыцца.
Беларуская дзяржава не ўсталявала ніводнага помніка ў Курапатах. Падручнікі гісторыі маўчаць пра Курапаты.
Аднак памятаюць пра Курапаты тысячы беларускіх патрыётаў. Тыя, хто заклікае захоўваць памяць пра гэтае страшнае злачынства, сутыкаюцца з пакараннямі і рэпрэсіямі.
І толькі пастаўленыя людзьмі крыжы нагадваюць пра ахвяр. Крыжы, якія не даюць спакою спадчыннікам сталінскіх злачынцаў.
Мы, палякі, выдатна памятаем, наколькі складаным і доўгім быў шлях да раскрыцця праўды пра Катынь. Акрамя таго, мы ведаем, што праўда заўсёды перамагае.
А праяўлены ўладамі страх перад праўдай сведчыць пра тое, што перамога не такая ўжо і далёкая.