Павел Севярынец падтрымаў правядзенне набажэнства ў нядзелю каля Менскага Свята-Духавага кафедральнага сабора
3- 5.04.2019, 11:45
- 13,867
Малебен адбудзецца 7 красавіка а 12.00.
У пятніцу, 5 красавіка, у Курапатах зноў сабраліся абаронцы народнага мемарыяла, каб перашкодзіць рабочым нішчыць крыжы, калі тыя пачнуць гэта рабіць. Ва ўрочышчы другі дзень праводзяцца «працы добраўпарадкавання»: па перыметры лесу, на месцы знішчаных напярэдадні крыжоў, ставяць плот.
Выступаючы перад прысутнымі, лідар партыі «Беларуская Хрысціянская Дэмакратыя» Павел Севярынец прапанаваў падтрымаць правядзенне набажэнства ў нядзелю 7 красавіка а 12.00 на плошчы Свабоды ля Мінскага Свята-Духавага кафедральнага сабора, да якога заклікаў адзін з лідараў Беларускага Нацыянальнага Кангрэсу Мікалай Статкевіч.