Відэафакт: У Магілёве на вуліцы бегаў дзік
8- 7.04.2019, 11:50
- 23,126
Неардынарны выпадак адбыўся на вуліцы Якубоўскага.
Дзік, які перабягаў мост на вуліцы Якубоўскага ў Магілёве, трапіў у аб'ектыў падпісчыка супольнасці «Магілёў Real», паведамляе mogilev.online.
Дзікі ўяўляюць сур'ёзную пагрозу для людзей. Нават прафесійныя паляўнічыя асцерагаюцца гэтых жывёлін і выконваюць строгія захады засцярогі. Звычайна дзікія жывёліны цураюцца людзей і заходзяць у гарады толькі праз экстрэмальныя абставіны або праз хваробу, напрыклад, шаленства, якое перадаецца чалавеку і лячэння ад якога не існуе. Папуляцыя дзікоў у Беларусі ў апошнія гады скарацілася ў дзясяткі разоў праз адстрэл, які заахвочваецца дзяржавай. Усе гэтыя фактары ўказваюць на тое, што з'яўленне дзіка ў межах горада - вельмі трывожны сігнал.