Чысты адток капіталу з Расеі ў 2019 годзе вырас амаль удвая

За першыя месяцы 2019 года адток капіталу з Расеі склаў амаль 35 мільярдаў даляраў.

Чысты адток капіталу з Расеі ў першыя чатыры месяцы гэтага года павялічыўся ў гадавым вылічэнні амаль удвая - прыкладна да 35 млрд даляраў, піша "Нямецкая хваля".

"Сальда фінансавых аперацый прыватнага сектара ў студзені-красавіку 2019 года, паводле папярэдніх звестак, склалася на суму 34,7 млрд даляраў (18,5 млрд даляраў у супастаўным перыядзе 2018 года)”, - гаворыцца ў паведамленні Банка Расеі, апублікаваным у пятніцу, 17 траўня.

Паводле ацэнкі Цэнтрабанка РФ, адток капіталу павялічыўся ў асноўным праз росту чыстага набыцця банкаўскім сектарам замежных актываў у параўнанні з больш значным, чым у мінулым годзе, скарачэннем вонкавых абавязанняў.

Прагноз на найбліжэйшыя гады

Раней ЦБ павысіў прагноз адтоку капіталу ў гэтым годзе з 20 да 35 млрд даляраў. У 2020 годзе ён прагназуе адток на ўзроўні 17 млрд (раней - 13 млрд), а ў 2021-м - 13 млрд даляраў (раней - 11 млрд).

У паведамленні ЦБ таксама адзначаецца, што міжнародныя рэзервы Расеі павялічыліся на 21,7 млрд даляраў. На думку рэгулятара, гэта адбылося галоўным чынам за кошт куплі валюты на ўнутраным рынку ў рамках бюджэтнага правіла, а таксама паступлення сродкаў ад размяшчэння суверэнных каштоўных папер.