Журналістаў «Коммерсанта», якія звольніліся ў знак пратэсту, вывелі з рэдакцыі пад аховай

Ім таксама закрылі доступ да ўліковых запісаў на працоўных кампутарах.

Звольненым супрацоўнікам аддзела палітыкі «Коммерсанта» заблакавалі пропускі ў рэдакцыю. Пра гэта ў «Фэйсбуку» паведаміла намесніца загадчыка аддзела палітыкі Марыя-Луіза Ціирмастэ, піша «Дождь».

Паводле яе слоў, аб блакаванні пропускаў распавёў кіраўнік службы персаналу, які спаслаўся на галоўнага рэдактара Уладзіміра Жэлонкіна.

Жэлонкін растлумач, што блакіроўка пропускаў з'яўляецца «стандартнай працэдурай пры звальненні». Ён дадаў, што звольненым журналістам «нічым не абмежаваны доступ у будынак», ім выдадуць часовыя пропускі. Галоўны рэдактар таксама выказаў здагадку, што пастанову аб блакаванні пропускаў прынялі ў аддзеле кадраў.

Журналістка Алеся Герасіменка, якая працавала ў газеце, напісала ў твітэры, што звольненых журналістаў «выводзяць з будынка з аховай». Ім таксама закрылі доступ да ўліковых запісаў на працоўных кампутарах».

Жэлонкін заявіў ТАСС, што падпісаў заявы аб сыходзе 11 журналістаў, якія не пагадзіліся з пастановай аб звальненні іх калегаў з аддзела палітыкі.

Напярэдадні спецыяльны карэспандэнт Іван Сафронаў і намеснік рэдактара аддзела палітыкі Максім Іваноў абвясцілі аб сваім звальненні з газеты. У знак падтрымкі за імі пайшоў увесь аддзел палітыкі.

Пазней журналісты «Коммерсанта» апублікавалі зварот да чытачоў. Яны патлумачылі, што звальненне Сафронава і Іванова звязанае з тым, што акцыянер Алішэр Усманаў запатрабаваў ад іх раскрыць крыніцы інфармацыі артыкула аб магчымай адстаўцы спікера Савета Федэрацыі Валянціны Мацвіенкі.

Сам Усманаў заявіў, што не ўмешваецца ў рэдакцыйную палітыку і даведаўся аб звальненнях з СМІ.