Цыбуля-сеянка накрыла медным тазам усе дасягненні сельскай гаспадаркі Беларусі

А можа, сапраўды, Румасу цыбуля нецікавая?

Як гэта ні дзіўна, але ўсе дасягненні сельскай гаспадаркі Беларусі, уключаючы стратэгічнае супрацоўніцтва з братэрскім Кітаем, накрыліся медным тазам, у якім ляжала цыбуля-сеянка, піша «Экономическая газета».

Хто б мог падумаць, што адзін з самых папулярных пасяўных матэрыялаў для грамадзян Беларусі выявіцца для іх такім жа недасяжным, як і мамардзіка, дыня Ківано або кукуруза Хопі.

Адказы прадаўцоў у спецыялізаваных крамах і на рынках не радуюць разнастайнасцю: «Цыбулі няма. І да восені не будзе»; «Галандыя спыніла адгрузку на экспарт праз уласны неўраджай»; «Свая даўно скончылася. Паспадзяваліся на Галандыю, але тая...падвяла», «Урад цыбулі не есць, яна ім не цікавая».

І ніхто не б'е трывогу. Нават рэспубліканскія прафсаюзы, якім дыктатар даручыў маніторыць кошты прадуктаў, што яны і робяць па 98 пазіцыях у 137 населеных пунктах.

Летась у краіне цыбуля-сеянка (айчынная) прадавалася па 2 рублі за кг, у гэтым годзе - ад 9 рублёў за кг (галандская) і вышэй. На жаль, з гандлёвых прылаўкаў яна знікла так хутка, што праманіторыць яе прафсаюзы не паспелі. Ці яны яе ўвогуле не маніторылі, бо цыбуля-сеянка не ідзе ў ежу. Не вырасла яшчэ!

Аднак, 3 траўня на брыфінгу Старшыня праўлення НБ РБ Павел Калавур звярнуў увагу СМІ на магчымы рост інфляцыі ў краіне, звязаны з сезонным ростам коштаў сельгаспрадукцыі. І калі летась адной з такіх прычын стала «кураціна», то не факт, што ў гэтым стане тая ж цыбуля (праз адсутнасць цыбулі-сеянкі сёння).

А можа, сапраўды, прэм'еру Сяргею Румасу цыбуля нецікавая? Не «высокая» гэта гародніна...