Амерыканскім авіякампаніям забаранілі палёты над часткай Ірана

Менавіта там напярэдадні быў збіты амерыканскі выведвальны беспілотнік.

Федэральная авіяцыйная служба ЗША забараніла амерыканскім вознікам здзяйсняць пералёты над часткай тэрыторыі Ірана. Гаворка ідзе пра паветраную прастору над Армузскай пратокай і Аманскай затокай, паведамляе «Радыё Свабода».

Менавіта ў гэтым рэгіёне напярэдадні быў збіты амерыканскі выведвальны беспілотнік RQ-4 BAMS-D коштам блізу 200 мільёнаў даляраў.

Паводле звестак авіяцыйнай службы ЗША, найбліжэйшы грамадзянскі самалёт знаходзіўся ўсяго за 45 марскіх міль ад месца здарэння, што выклікае асцярогі наконт бяспекі палётаў у рэгіёне. Акрамя амерыканскіх кампаній, унутраныя загады аб забароне палётаў таксама выдалі аўстралійскі вознік Qantas і нідэрландскі KLM.

Раней прэзідэнт ЗША Дональд Трамп выказаў меркаванне, што амерыканскі беспілотнік быў хутчэй за ўсё збіты памылкова, у сувязі з чым ЗША не будуць адказваць на інцыдэнт. Супраць «вайны з Іранам» таксама выступілі кіраўнікі Дэмакратычнай партыі, у тым ліку спікер Палаты прадстаўнікоў Нансі Пэласі.

Пры гэтым іранскія ўлады прадаўжаюць намагаць, што апарат перасек паветраную прастору краіны і быў збіты, бо выконваў выведвальныя заданні. У чацвер дзяржаўная тэлевізія Ірана паказала кадры з абломкамі, якія паводле сцверджанняў уладаў былі часткамі амерыканскага выведвальнага апарата.

Іранскія СМІ паказалі таксама запуск ракеты па амерыканскаму выведніку.

Гэта першае паспяховае баявое выкарыстанне іранскага комплексу СПА «Хордад-3», - адзначае блог Цэнтра аналізу стратэгій і тэхналогій.