Расейскі дэпутат у ПАРЕ пагражаў літоўскаму дэлегату: Я - Рамзан Кадыраў
- 27.06.2019, 15:31
- 18,536
Шамсаіл Сараліеў пагражаў Эмануэлісу Зінгерысу.
Дэлегат ПАРЕ ад Расеі Шамсаіл Сараліеў, які шмат гадоў працуе з кіраўніком Чачэніі Рамзанам Кадыравым, пачаў пагражаць дэлегату ад Літвы Эмануэлісу Зінгерысу за яго крытычныя выступленні адносна Кадырава.
Як паведамляе "Европейская правда", пра гэта паведаміў кіраўнік украінскай дэлегацыі ў Асамблеі Уладзімір Ар’еў.
«Я выказваю падтрымку Эмануэлісу ад імя ўсёй украінскай дэлегацыі. Усіх, хто прасоваў безумоўнае вяртанне расейцаў у ПАРЕ, хачу спытаць - ну як, усё ў парадку? Правы парламентарыяў быць пачутымі захаваныя? Цяпер пачулі? А гэта толькі пачатак», - напісаў Ар’еў на сваёй Facebook-старонцы, назваўшы Зінгерыса сябрам Украіны.
Пра канфлікт паміж расейскім дэлегатам і літоўцам распавяла памочніца Сараліева Ілона Дзімаева. З яе слоў, Зінгерыс «ліў бруд» на Расею і Чачэнію.