Украінскія нацыяналісты патрабуюць неадкладна арыштаваць Медзвядчука
- 27.06.2019, 20:49
- 11,558
Украінскія нацыяналісты правялі акцыю пратэсту ля Адміністрацыі прэзідэнта краіны.
Удзельнікі акцыі, ініцыятарам якой выступіў "Нацыянальны корпус", а таксама прадстаўнікі ВА "Свабода" патрабавалі ад прэзідэнта Украіны Уладзіміра Зяленскага неадкладна адрэагаваць на антыўкраінскую дзейнасць аднаго з лідараў "Апазіцыйнай платформы - За жыццё" Віктара Медзвядчука і затрымаць яго.
Як паведамляе Цензор.НЕТ, відэа акцыі размешчанае на Youtube-канале "Нацкорпуса".
Сёння, 27 чэрвеня, украінскія нацыяналісты правялі акцыю пратэсту каля Адміністрацыі прэзідэнта Украіны. Удзельнікі акцыі, ініцыятарам якой выступіў "Нацыянальны Корпус", а таксама ВА "Свабода" патрабавалі ад прэзідэнта Украіны Уладзіміра Зяленскага неадкладна адрэагаваць на антыўкраінскую дзейнасць аднаго з лідараў "Апазіцыйнай Платформы - за жыццё" Віктара Медзвядчука і затрымаць яго.
Мітынг украінскіх нацыяналістаў стаў рэакцыяй на сённяшні візіт Віктара Медзвядчука ў Менск, дзе ён правёў сустрэчу з верхаводамі непрызнаных рэспублік "ДНР" і "ЛНР" і дамовіўся аб вызваленні 4 палонных грамадзян Украіны. Актывісты скандавалі, што такі крок з боку Медзвядчука - брудная маніпуляцыя напярэдадні датэрміновых выбараў. Удзельнікі акцыі таксама заявілі, што Медзвядчук не мае ніякага юрыдычнага і маральнага права прадстаўляць Украіну на міжнароднай арэне і, тым больш, пра штосьці дамаўляцца з агрэсарам ад імя ўсіх украінцаў.
"Медзвядчук узначальвае калону прыхільнікаў "расейскага свету" і вядзе яе на парламенцкія выбары. Ён завозіць брудныя расейскія грошы, скупляе ўкраінскія тэлеканалы, праводзіць на камеры псеўдаперамовы ў Маскве. Ён спрабуе ўвесці ў зман людзей, гандлюючы жыццямі, прапаноўваючы што-небудзь у абмен на лаяльнасць расейскага агрэсара. Гэтым разам ён перайшоў мяжу цынізму. Мы цэнім чалавечыя жыцці, але цяпер гэта робіцца толькі для прапаганды", - заявілі ў "Нацыянальным Корпусе".
Аб'яднаныя сілы ўкраінскіх нацыяналістаў і патрыётаў таксама заявілі, што Прэзідэнт Уладзімір Зяленскі павінен неадкладна адрэагаваць на сустрэчу Віктара Медзвядчука з кіраўнікамі сепаратыстаў і не галаслоўнымі заявамі, а рэальнымі дзеяннямі.
"Медзвядчука трэба затрымаць за дзяржаўную здраду і неадкладна", - адзначылі ў "Нацыянальным Корпусе".
Нагадаем, яшчэ ў снежні 2018 Віктара Медзвядчука выключылі з Менскага працэсу. Нягледзячы на гэта, палітык працягнуў весці перамовы з Расейскай Федэрацыяй ад імя Украіны, не маючы на тое ніякіх юрыдычных падстаў.
У у пачатку чэрвеня Медзвядчук прыняў удзел у Пецярбуржскім міжнародным эканамічным форуме, падчас якога правёў сустрэчу з кіраўніком "Газпрама" Аляксеем Мілерам.