Выходзіць да людзей усё адно давядзецца
3- Тэлеграм-канал СерпомПо
- 15.07.2019, 10:28
- 12,281
І вызваляць памяшканне.
Улады дарма думаюць, што, разагнаўшы ўчора ў Маскве людзей, якія абараняюць вольныя выбары, яны паказалі сілу і атрымалі вынік.
На справе выявілі бяссілле. І вынік атрымаецца адваротны.
Сцэна, дзе два амбалы ў амуніцыі неяк няўпэўнена, нібы не разумеючы, навошта яны гэта робяць, валакуць далікатную Собаль па асфальце, можа стаць сімвалам для апісання стасункаў уладаў і грамадства. Навошта? Куды? У чым мэта?
Вывеўшы ўчора на вуліцы Масквы толькі пару тысячаў сваіх прыхільнікаў, апазіцыя лёгка змагла з такімі невялікімі сіламі публічна, на ўсю краіну, на ўвесь свет дыскрэдытаваць чарговую імітацыю «выбараў», якую ціхма хацелі пракруціць маскоўскія ўлады і іхнія крамлёўскія заступнікі. Тысячы пераканальных фота, дзясяткі і сотні відэа панесліся ва ўсе канцы свету. Нібы тэхнічны баксёр у пары з больш моцным спаборнікам, апазіцыя «праваліла» яго, ухіліўшыся, прымусіўшы нанесці ўдар у паветра.
Праз тупасць уладаў, праз іх пастанову спачатку выкінуць у масавым парадку з выбараў галоўных кандыдатаў, а потым ужыць сілу атрымаўся скандал, які зусім абясцэніў выбары 8 верасня, паказаў, што яны нішто, ператварыў іх у попел. Вы гэтага хацелі, кіраўнікі?
Сваімі рукамі кіраўнікі зладзейскай Масквы зрабілі яшчэ адзін крок да дэлегітымацыі ўлады ва ўсёй Расеі. А ў гэты час іншай нагой, але ў тым самым кірунку крочаць і ўлады «бандыцкага Пецярбурга». Раз-два, злодзей-бандыт, левай-правай, наперад – да прорвы.
Людзі ў Расеі глядзяць на тое, што адбываецца ў сталіцы. Тут будзе мяняцца галоўная ўлада. Натоўпы пратэстоўцаў, якія, нягледзячы на ўсе папярэднія паразы, прадаўжаюць, нібы хвалі, заліваць найбліжэйшыя наваколлі Крамля, падступаючы ўсё бліжэй і бліжэй да вежаў, створаць уражанне на краіну.
Карцінка, калі людзі грукаюць у дзверы мэрыі, патрабуючы кіраўнікоў выйсці да народа і растлумачыць крадзеж выбараў, сімвалічная не менш, чым сцэна з Собаль.
Дзверы зачыненыя, улады дрыжаць за імі, не паказваюць носа, баяцца свайго народа – ім няма чаго сказаць краіне, у якой яны скралі будучыню.
Грукаць будуць мацней. Выходзіць да людзей усё адно давядзецца. Выходзіць і вызваляць памяшканне.
Тэлеграм-канал СерпомПо