Лукашэнка прыняў запрашэнне Зяленскага прыехаць у Жытомір
23- 15.07.2019, 12:52
- 17,899
Дыктатар пацвердзіў свой удзел у форуме рэгіёнаў.
Лукашэнка прыняў запрашэнне прэзідэнта Украіны Уладзіміра Зяленскага ўзяць удзел у форуме рэгіёнаў, паведаміў амбасадар Беларусі ва Украіне Ігар Сокал, паведамляе Інтэрфакс.
"Уладзімір Зяленскі запрасіў Лукашэнку на форум рэгіёнаў у Жытоміры. Лукашэнка пацвердзіў свой удзел. Гэта стане найважнейшым мерапрыемствам у двухбаковых стасунках", – сказаў Сокал.
Як паведамлялася, II Форум рэгіёнаў Украіны і Беларусі пройдзе ў Жытоміры ў 2019 годзе.
I Форум рэгіёнаў Украіны і Беларусі прайшоў у Гомелі ў канцы кастрычніка 2018 года, у ім удзельнічалі Лукашэнка і прэзідэнт Украіны Пётр Парашэнка.