Выбух «Буравесніка»: з'явілася мапа імавернага разлёту нуклідаў
9- 19.08.2019, 14:08
- 27,142
Украіну таксама зачапіла.
У Арганізацыі дамовы аб усёабдымнай забароне ядзерных выпрабаванняў (ДУЗЯВ) паказалі мадэль магчымага разлёту з атмасфернымі франтамі радыенуклідаў пасля выбуху невядомай ракеты на палігоне пад Северадзвінскам у Расеі, піша liga.net.
Анімацыйны малюнак, які паказвае распаўсюджванне шлейфу ў адпаведнасці з часовымі адзнакамі, выклаў у Twitter кіраўнік Арганізацыі ДУЗЯВ Ласіна Зербо.
Ён удакладніў, што гэта мадэль магчымага распаўсюджання «гіпатэтычных часціц ад інцыдэнту з «Буравеснікам» 8 жніўня».
Раней Зербо заявіў, што дзве станцыі сачэння за ядзернымі выбухамі непадалёк ад Северадзвінска сышлі ў офлайн праз два дні пасля інцыдэнту на палігоне каля вёскі Нёнаксы.
To requests on #IMS detection beyond #CTBT, data in, or near the path of potential plume from the explosion are being analyzed . We’re also addressing w/station operators technical problems experienced at two neighboring stations. All data are available to our Member States. https://t.co/pHL4WrHU23 pic.twitter.com/9aO5cQTlls
— Lassina Zerbo (@SinaZerbo) August 18, 2019
8 жніўня 2019 года на палігоне ў Архангельскай вобласці РФ адбыўся выбух, як заявілі ў Мінабароны РФ, «пры выпрабаванні вадкаснай рэактыўнай рухальнай устаноўкі».
Лекараў бальніцы, у якую даставілі пацярпелых пасля выбуху, не папярэдзілі аб радыяцыйнай небяспецы.
12 жніўня навукоўцы ў РФ прызналі: на палігоне разарвала малы «ядзерны» рэактар. СМІ загаварылі пра аварыю на баявой ракеце «Буравеснік» з ядзерным рухавіком, аднак што менавіта выбухнула, афіцыйна невядома.
14 жніўня ў Greenpeace-Расія паведамілі, што ўлады ўтойваюць частку звестак аб выцеку радыяцыі.
15 жніўня дэпартамент ядзернай бяспекі і аховы навакольнага асяроддзя Нарвегіі выявіў радыеактыўны ёд на поўначы краіны.
ДУЗЯВ быў прыняты 50-й сесіяй Генасамблеі ААН і адкрыты для падпісання 24 верасня 1996 года. Дамову падпісалі 183 краіны. Не падпісалі Індыя, Пакістан і КНДР.