Папулярны мем стаў сімвалам супраціву ў Ганконгу
- 19.08.2019, 16:28
- 11,708
Гэты мем стаў вядомым пасля прэзідэнцкіх выбараў у ЗША.
Удзельнікі пратэстных акцый у Ганконгу зрабілі тварам свайго пратэсту вядомы мем пра жабяня Пепе. Пасля прэзідэнцкіх выбараў 2016 года ў ЗША «жабяня Пепе» асацыюецца на Захадзе з «альтэрнатыўна правымі» сіламі. Як паведамляе тэматычны рэсурс Know Your Meme, падчас закалотаў на мінулых выходных адна з удзельніц пратэсту атрымала траўму правага вока, піша unian.net.
Паводле паведамленняў СМІ, іншыя актывісты пачалі закрываць сабе правае вока павязкамі ў знак салідарнасці. На мінулым тыдні на папулярным заходнім рэсурсе Reddit з'явілася фатаграфія ўдзельніцы акцый пратэсту, якая трымае ў руках плакат з жабянём Пепе, у якога пашкоджанае правае вока. На плакаце напісана «Паліцыя стрэліла мне ў вока».
Выяву жабяняці ў жоўтай касцы пачалі выкарыстоўваць і іншыя пратэстоўцы. Гэта дазволіла некаторым казаць, што Пепе стала «сімвалам супраціву» для актывістаў.
Protesters are using pepe as a resistance symbol in HK. pic.twitter.com/Sr651PPBuH
— Lulu🌈🍔⚡💪 (@luulubuu) August 14, 2019