23 верасня 2019, панядзелак, 8:44
Мы ў адной лодцы
Рубрыкі

Вакарчук: Мы дагэтуль не пачулі пра стратэгію Зяленскага па РФ

12
Вакарчук: Мы дагэтуль не пачулі пра стратэгію Зяленскага па РФ
СВЯТАСЛАЎ ВАКАРЧУК
ФОТА: УНИАН

Лідар партыі «Голас» заклікае прэзідэнта Украіны распавесці пра прынцыпы замежнай палітыкі.

Фракцыя партыі «Голас» у Вярхоўнай Радзе заклікала прэзідэнта Уладзіміра Зяленскага і ягоную каманду агучыць канкрэтныя прынцыпы, на якіх фармуецца замежная палітыка, і сказаць, у чым заключаецца стратэгіі ў гэтай галіне. Пра гэта падчас выступу ў парламенце заявіў лідар партыі Святаслаў Вакарчук, піша liga.net.

«Ужо шмат тыдняў дзейнасці новага прэзідэнта праходзяць міжнародныя перамовы, абмен закладнікамі і іншыя вельмі важныя рэчы. Але мы так і не пачулі стратэгію новай выканаўчай улады што да нашай міжнароднай палітыкі і, у першую чаргу, нашых стасункаў з краінай-агрэсарам РФ», - сказаў ён.

«Голас» патрабуе склікаць закрытае пасяджэнне профільнага камітэта Рады, куды хочуць запрасіць кіраўніка МЗС, віцэ-прэм'ера ў пытаннях еўраінтэграцыі, прадстаўніка Офіса прэзідэнта і сябраў украінскай дэлегацыі ПАРЕ.

«...Каб абмеркаваць гэтыя пытанні, выпрацаваць агульную пазіцыю, і, нарэшце, адказаць на шмат канкрэтных пытанняў, якія хвалююць нас ужо сёння: фарміруем мы ці не дэлегацыю ПАРЕ, ці ўдзельнічаем мы ў наступнай яе сесіі, і калі так, то як сябе паводзім, як каардынуем свае дзеянні з калегамі з іншых краін, якія падтрымалі нас і чакаюць ад нас дакладных адказаў, дэкларацый і абавязанняў», - растлумачыў Вакарчук.

Паводле яго народным дэпутатам, важна зразумець перад патэнцыйнай сустрэчай лідараў нармандскага фармату, якой будзе стратэгія Украіны на гэтых перамовах, «што, каму і як мы абяцалі», і якім чынам зменіцца палітыка ў параўнанні з палітыкай мінулай улады.