20 верасня 2019, Пятніца, 22:02
Мы ў адной лодцы
Рубрыкі

Зяленскі падпісаў закон аб скасаванні дэпутацкай недатыкальнасці

18
Зяленскі падпісаў закон аб скасаванні дэпутацкай недатыкальнасці
УЛАДЗІМІР ЗЯЛЕНСКІ

Украінскія дэпутаты будуць пазбаўленыя недатыкальнасці з 1 студзеня 2020 года.

Украінскі прэзідэнт Уладзімір Зяленскі падпісаў закон Украіны "Аб унясенні змен у артыкул 80 Канстытуцыі Украіны з нагоды недатыкальнасці народных дэпутатаў Украіны", паведамляе 11 верасня прэс-служба кіраўніка ўкраінскай дзяржавы.

"Згодна з законам, артыкул 80 Канстытуцыі Украіны выкладаецца ў новай рэдакцыі, не змяшчае тэз аб тым, што народным дэпутатам Украіны гарантуецца дэпутацкая недатыкальнасць і яны не могуць без згоды Вярхоўнай Рады быць прыцягнутыя да крымінальнай адказнасці, затрыманыя або арыштаваныя", - сказана ў паведамленні.

У адпаведнасці з новай рэдакцыяй артыкула 80 Канстытуцыі народныя дэпутаты не нясуць юрыдычнай адказнасці за вынікі галасавання або выказванні ў парламенце і яго органах, за выняткам адказнасці за абразу або паклёп.

Закон увойдзе ў дзеянне з 1 студзеня 2020 года.

30 жніўня 363 дэпутаты Вярхоўнай Рады ІХ склікання падтрымалі праект пастановы №1095 аб абмежаванні недатыкальнасці парламентарыяў і папярэдне ўзгаднілі унесены ў лютым 2017 года пятым прэзідэнтам Украіны Пятром Парашэнкам законапраект №7203.

20 чэрвеня 2018 года Канстытуцыйны Суд Украіны прызнаў дакумент адпаведным Асноўнаму закону.

Вярхоўная Рада на паседжанні 3 верасня 2019 года прыняла ў цэлым законапраект №7203, згодна з якім у Канстытуцыю Украіны ўносяцца змены аб скасаванні дэпутацкай недатыкальнасці.