Сотні тысячаў людзей выйшлі на мітынг за незалежнасць Каталоніі
3- 11.09.2019, 21:47
- 9,629
На мітынг за незалежнасць рэгіёну выйшлі 600 тысячаў чалавек.
У Барселоне сотні тысячаў чалавек выйшлі на мітынг за незалежнасць Каталоніі ад Гішпаніі. Пра гэта паведамляе Associated Press.
Як паведамляецца, на шматлікіх удзельніках мітынгу былі футболкі ў падтрымку незалежнасці Каталоніі, а некаторыя з іх неслі сцягі з заклікамі да незалежнасці.
Адзначаецца, што 11 верасня ў Гішпаніі ўвекавечваюць памяць пра падзенне Барселоны падчас спадчыннай вайны ў 1714 годзе. З 2012 года гэтая дата стала днём для масавых мітынгаў сепаратысцкага руху ў рэгіёне.
Паліцыя Барселоны паведаміла, што блізу 600 тыс. чалавек узялі ўдзел у мерапрыемстве.
Апытанні і самыя апошнія вынікі выбараў паказваюць, што 7,5 млн жыхароў рэгіёну прыкладна пароўну падзеленыя паміж тымі, хто выступае за і супраць незалежнасці Каталоніі ад Гішпаніі.