Папа Рымскі вітаў абмен палоннымі паміж Украінай і Расеяй
1- 15.09.2019, 14:30
- 5,795
Пантыфік моліцца за больш хуткае заканчэнне вайны.
Папа Рымскі Францішак у нядзелю, 15 верасня, падчас размовы з пілігрымамі вітаў абмен палоннымі паміж Украінай і РФ.
Пра гэта паведамляе «Европейская правда» са спасылкай на «Радыё Ватыкана».
«Дарагія браты і сёстры, на мінулым тыдні адбыўся доўгачаканы абмен палоннымі паміж Расейскай Федэрацыяй і Украінай. Цешуся за вызваленых, якія змаглі абняць сваіх самых блізкіх і не перастаю маліцца за больш хуткае заканчэнне канфлікту і за трывалы мір ва ўсходняй Украіне», - сказаў Папа Рымскі .
Нагадаем, 7 верасня паміж Украінай і Расеяй адбыўся маштабны абмен ўтрымоўванымі асобамі.
Ва Украіну ў рамках абмену прыбылі 35 украінцаў, сярод якіх палітвязні Алег Сянцоў, Аляксандр Кольчанка, Уладзімір Балух, Раман Сушчанка, Мікалай Карпюк, Станіслаў Клых, Павел Грыб, Яўген Панаў, Артур Панаў, Эдэм Бекіраў, Аляксей Сізановіч, а таксама захопленыя Расеяй у Керчанскай пратоцы маракі.