Заўтра ў Беларусі пацяплее да +20

Але вецер будзе моцным парывістым.

Воблачнае з праясненнямі надвор'е і ўзмацненне ветру да 20 м/с чакаецца ў Беларусі 22 верасня. Пра гэта паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Удзень прагназуюцца кароткачасовыя дажджы, вецер паўночна-заходні парывісты, у дзённы час месцамі, пераважна па ўсходняй палове краіны – моцны парывісты.

Тэмпература паветра ўначы складзе ад 6 да 12 градусаў цяпла. У сярэдзіне дня паветра прагрэецца ад 9 да 20 градусаў.

У начныя гадзіны 23 і 24 верасня на большай частцы краіны чакаюцца замаразкі да мінус 3 градусаў.