Мянчук: Мяркую, трэба страйкаваць
27- 21.09.2019, 11:58
- 26,900
Сапраўдныя перамены адбудуцца толькі пасля адстаўкі Лукашэнкі.
Пра гэта кажуць многія жыхары Менска, якія прыходзяць на перадвыбарчыя пікеты грамадзянскай кампаніі «Еўрапейская Беларусь».
– З свайго досведу ведаю, што выбары – несумленныя, іх фальсіфікуюць, – сказаў адзін з жыхароў сталіцы, які паставіў подпіс за вылучэнне кандыдата ад «Еўрапейскай Беларусі». – Я наіўна хадзіў на іх, і бывала, быў адзіным прагаласавалым на ўчастку. А потым казалі пра 70% тых, хто прагаласаваў. Я прыходзіў за пяць хвілінаў да заканчэння галасавання на ўчастак, там адзінкі прагаласавалых былі. А выбары нібыта адбыліся.
Сёння быў прыемна здзіўлены, што збіраюць подпісы за апазіцыянераў. Пры змене Лукашэнкі памянялася б вельмі многае. Надзея толькі на гэта пакуль. На альтэрнатыўную ўладу.
Трэба страйкаваць. Трэба не падпарадкоўвацца. Рабіць забастоўкі, акцыі непадпарадкавання – на прыклад «жоўтых камізэлек» у Парыжы. Таму што за 25 гадоў нічога не памянялася.