Багдан Ярэменка: Украінская дэлегацыя не паедзе на сесію ПАРЕ

Украінскія дэпутаты пратэстуюць супраць парушэння ПАРЕ ўласных прынцыпаў.

Старшыня камітэта Вярхоўнай Рады ў пытаннях вонкавай палітыкі Багдан Ярэменка заявіў, што ўкраінская дэлегацыя не будзе ўдзельнічаць у найбліжэйшай сесіі Парламенцкай асамблеі Рады Еўропы праз "парушэнні гэтай арганізацыяй уласных прынцыпаў і адкрытае ігнараванне яе інтарэсаў". Пра гэта нардэп напісаў у Facebook.

"Самым складаным сёння з'яўляецца пытанне ПАРЕ. Не маючы іншай магчымасці рэагавання на парушэнні гэтай арганізацыяй уласных прынцыпаў і сутыкнуўшыся з даволі адкрытым ігнараваннем яе інтарэсаў, Украіна пакуль устрымаецца ад камандавання сваёй дэлегацыі на найбліжэйшую сесію ПАРЕ", – напісаў Ярэменка.

"Затое засяродзімся на падрыхтоўцы нашай дэлегацыі і правядзенні кансультацый з іншымі дзяржавамі-чальцамі РЕ з мэтай выпрацоўкі плана вяртання даверу да ПАРЕ. Гэты падыход падтрымала пераважная большасць фракцый украінскага парламента", – дадаў нардэп.

У каментарах да паста Ярэменка напісаў: "Рэакцыя парламента жорсткая і адназначная – новая дэлегацыя не едзе. Цвярдзей можа быць выхад з арганізацыі. Тое, што тэхнічна на сэсію могуць паехаць прадстаўнікі старой дэлегацыі – гэта не мяняе і не паслабляе, а ўзмацняе і падкрэслівае пазіцыю ВР – дэлегацыі няма".

Нагадаем, 25 чэрвеня ПАРЕ прыняла пастанову, якая дазволіла расейскай дэлегацыі вярнуцца да працы ў асамблеі.