Грэцыя можа закрыць флоту РФ выхад з Чорнага мора

Вашынгтону і Афінам атрымалася дамагчыся заключэння пагадненняў у гэтым пытанні.

Расейскім вайсковым караблям і падводным лодак могуць закрыць праход з Чорнага ў Міжземнае мора - гэта пытанне актыўна абмяркоўваецца амерыканскім і грэцкім бакамі. Пры гэтым Вашынгтону і Афінам атрымалася дамагчыся некаторых пагадненняў, якія створаць сур'ёзныя праблемы для расейскага флоту, які фактычна будзе заціснуты ў Чорным моры.

Пра гэта піша «Avia.pro».

Адміністрацыя Трампа зрабіла першы буйны крок у стварэнні калідора NATO, арыентаваны на Грэцыю, пасля таго, як амбасадар ЗША ў Грэцыі Джэфры Р. Пает абвясціў, што яго краіна мае намер набыць стратэгічны порт Александруполіс.

Порт Александруполіс мае асаблівае значэнне для палітыкі ЗША не толькі на Балканах, але асабліва ў Расеі. Порт таксама важны для транспартавання, бо ён стратэгічна размешчаны недалёка ад кантраляваных Турцыяй Дарданэл, якія злучаюць Эгейскае/Міжземнае мора з Чорным морам і, такім чынам, з Расеяй.

З набыццём гэтага порта, сілы NATO і ЗША могуць быць на Балканах усяго за некалькі гадзін і могуць лёгка спыніць гандаль Расеі са светам праз Чорнае мора, блакуючы Дарданэлы.

Фактычна, атрымаўшы кантроль над портам, амерыканскія вайсковыя караблі могуць заблакаваць праход расейскім вайсковым караблям на шляху з Міжземнага ў Чорнае мора і назад.