23 верасня 2019, панядзелак, 23:44
Мы ў адной лодцы
Рубрыкі

«Выбары» ў Расеі: у Тыве невядомыя на конях абстралялі аўтобус з назіральнікамі і журналістамі

6
«Выбары» ў Расеі: у Тыве невядомыя на конях абстралялі аўтобус з назіральнікамі і журналістамі
ІЛЮСТРАЦЫЙНАЕ ФОТА

Аўтобус пашкоджаны, колы прабітыя.

У рэспубліцы Тыва ўвечары 7 верасня ўзброеныя людзі напалі на аўтобус з журналістамі, сябрамі выбарчых камісій і назіральнікамі ад ЛДПР, які рухаўся з Краснаярскага краю ў Кызыл. Пра гэта паведамілі мясцовыя выданні NewsLab і «8 Канал», піша «Новая газета».

Аўтобус з 12 пасажырамі накіроўваўся для працы на выбарах у рэспубліканскі парламент Вярхоўны Хурал. А 19:30 паводле мясцовага часу на мяжы паміж рэгіёнамі аўтобус спыніў натоўп з 30 чалавек у масках і з зброяй верхам на конях. Яны заблакавалі рух аўтобуса, прастрэлілі колы і схаваліся.

«Аўтобус пашкоджаны, колы прабітыя. Людзі, быццам бы, не пацярпелі», - напісалі журналісты. На месца прыбыў часовы выканаўца абавязку кіраўніка МУС Тывы, паліцыя цяпер праводзіць праверку. Дэпутат Думы ад ЛДПР Сяргей Натараў паведаміў, што партыя ўжо паскардзілася на тое, што адбылося міністру ўнутраных спраў Уладзіміру Калакольцаву.