Пентагон накіроўвае ў Ірак 750 салдатаў пасля нападу на амбасаду ў Багдадзе
1- 1.01.2020, 10:14
- 7,253
Дадатковыя сілы будуць гатовыя да перакідання цягам некалькіх дзён.
Кіраўнік Пентагона Марк Эспер паведаміў, што ЗША пасля беспарадкаў ля амерыканскай амбасады ў Іраку неадкладна накіруюць у рэгіён 750 вайскоўцаў, паведамляе nv.ua.
Як напісаў Эспер у сваім Twitter, «дадатковыя сілы будуць гатовыя да перакідання цягам некалькіх дзён».
«Гэтае разгортванне з'яўляецца папераджальным дзеяннем, што прымаецца ў адказ на павышэнне ўзроўню пагрозы ў дачыненні да грамадзянаў ЗША», – напісаў ён, дадаўшы, што гаворка ідзе пра вайскоўцаў з 82-й паветрана-дэсантнай дывізіі.
Approximately 750 #Soldiers will deploy to the region immediately & additional forces from the IRF are prepared to deploy over the next several days. This deployment is an appropriate and precautionary action taken in response to increased threat levels against U.S. personnel...
— Secretary of Defense Dr. Mark T. Esper (@EsperDoD) 1 января 2020 г.
Раней паведамлялася, што ў сталіцы Ірака сотні дэманстрантаў паспрабавалі ўзяць штурмам амбасаду ЗША ў Багдадзе.
Паводле словаў амерыканскага лідара Дональда Трампа, за гэтай атакай стаіць Іран.
Пазней Трамп заявіў, што Іран заплаціць вялікі кошт у выпадку гібелі амерыканцаў у Іраку.
