Пампея скасаваў візіт у Беларусь
21- 1.01.2020, 21:08
- 33,470
Візіт дзяржсакратара ЗША пераносіцца на нявызначаны тэрмін.
Дзяржсакратар ЗША Майк Пампея скасаваў замежную паездку ва Украіну, Беларусь, Казахстан, Узбекістан і Кіпр.
Пра гэта «Новому времени» распавяла дасведчаная крыніца.
Замежны тур пераносіцца на нявызначаны тэрмін. Прычыны пераносу паездкі невядомыя.
Такое рашэнне можа быць звязанае з нядаўняй атакай на амерыканскую амбасаду ў Іраку: у сталіцы Ірака сотні дэманстрантаў паспрабавалі ўзяць штурмам пасольства ЗША ў Багдадзе. У сувязі з гэтым інцыдэнтам Пентагон накіруе ў Ірак 750 салдат.
Інфармацыю пра скасаванне візіту пацвердзілі tut.by ў МЗС Беларусі.