Масавыя пратэсты і палітычныя ўзрушэнні стануць нормай у 2020 годзе
2- 16.01.2020, 18:15
- 17,247
Такі прагноз дае Verisk Maplecroft, якая кансультуе бізнэс у пытаннях палітычнай рызыкі ва ўсім свеце.
Масавыя пратэсты і палітычныя ўзрушэнні, якія кінулі выклік урадам ад Ганконга да Чылі летась, будуць прадаўжацца і стануць "новай нормай", піша finanz.ru.
Verisk Maplecroft, якая кансультуе карпаратыўных кліентаў у пытаннях палітычнай рызыкі ва ўсім свеце, прагназуе прадаўжэнне беспарадкаў у 2020 годзе, у той час як урады розных краін па-ранейшаму не могуць зразумець народную незадаволенасць і не гатовыя развязваць сацыяльныя праблемы, якія ляжаць у яе аснове, вынікае з апублікаванага ў чацвер агляду кампаніі.
«Шалёныя пратэсты, якія заспелі многія ўрады знянацку летась, нікуды не падзенуцца, і нам усім варта быць гатовымі да гэтага», - адзначае Міха Хрыбернік, кіраўнік аналізу рызык у Азіі.
Чылі перамясцілася з 91 на шостае месца ў рэйтынгу нестабільных дзяржаў Verisk Maplecroft на фоне захоўвання напружанасці ў некалі самай квітнеючай і стабільнай краіне Лацінскай Амерыкі, якая патрапіла ў цэнтр увагі праз масавыя пратэсты, у выніку якіх загінулі больш за 20 чалавек, а шкода маёмасці дасягае блізу $2 мільярдаў.
Ганконг, дзе вулічныя пратэсты прадаўжаюцца ўжо сем месяцаў, перамясціўся з 117 на 26 месца, гаворыцца ў аглядзе кампаніі.