27 лютага 2020, Чацвер, 11:58
Засталося зусім крыху
Рубрыкі

У Расеі зрабілі нечаканую заяву наконт «статуту» Данбаса

9
У Расеі зрабілі нечаканую заяву наконт «статуту» Данбаса
ФОто: ЕРА

Шчырае прызнанне расейскага парламентарыя патрапіла ў сеціва.

Дэпутат расейскай Дзярждумы Андрэй Казенка публічна заявіў, што ўважае часткі акупаванага Данбаса, на якіх дзейнічаюць баевікі «ДНР» і «ЛНР», за асобныя суб'екты Расейскай Федэрацыі.

Пра гэта паведамляе блогер Дзяніс Казанскі на сваёй Twitter-старонцы, апублікаваўшы адпаведнае відэа, піша apostrophe.ua.

Такую заяву прадстаўнік Дзярждумы РФ зрабіў у эфіры аднаго з расейскіх тэлеканалаў, знаходзячыся ў акупаваным Расеяй Сімферопалі.

- Мы публічна кажам, што «ДНР» і «ЛНР» сёння з'яўляюцца асаблівымі суб'ектамі Расейскай Федэрацыі, - сказаў Андрэй Казенка.

Такім чынам расейскі парламентарый фактычна адкрыта прызнаў акупацыю «АРДЛА».

"Ніколі яшчэ грамадзянская вайна не была такой грамадзянскай", - саркастычна заўважыў з гэтай нагоды Дзяніс Казанскі.