Сіноптыкі распавялі, якое надвор'е будзе ў Беларусі ў сераду
- 28.01.2020, 22:03
- 14,626
29 студзеня захаваецца цёплае для зімы надвор'е.
У сераду, 29 студзеня, у Беларусі захаваецца воблачнае надвор'е, паведамляе Белгідраметцэнтр.
Уначы пераважна па захадзе краіны, а раніцай і ўдзень на большай частцы тэрыторыі пройдуць дажджы і мокры снег. Удзень месцамі чакаецца моцны мокры снег, наліпанне мокрага снегу.
Уначы і раніцай месцамі прагназуюцца слабыя туман і галалёд, на асобных участках дарог — галалёдзіца. Вецер будзе паўднёва-ўсходні, паўднёвы ўмераны.
Тэмпература паветра на працягу дня будзе вагацца ў дыяпазоне ад 1 градуса марозу да 4 цяпла.