За праезд на таксі ў Менску можна заплаціць выкарыстанымі батарэйкамі

Адна батарэйка - за адзін кіламетр шляху, але далей трэба плаціць.

Новая ініцыятыва "Таксі на батарэйках" стартавала ў Менску 3 студзеня. У рамках акцыі праезд у таксі можна аплаціць выкарыстанымі батарэйкамі, паведамляе агенцтва "Мінск-Навіны".

З 3 студзеня да 3 лютага пры замове таксі з дапамогай мабільнай праграмы "Пятнiца" трэба актывізаваць у раздзеле "Опцыі паездкі" пункт "За батарэйку!". Тады ў салоне таксі можна будзе расплаціцца выкарыстанымі элементамі сілкавання - 1 батарэйка за 1 км шляху. Праўда, ёсць адна ўмова: за адну паездку можна абмяняць толькі адну батарэйку.

Арганізатарамі акцыі выступілі Дзяржаўная ўстанова "Аператар другасных матэрыяльных рэсурсаў" і кампанія таксі "Пятнiца" пры падтрымцы перапрацоўшчыка электронных адкідаў і адпрацаваных батарэек прадпрыемства "БелДТІ".

Адпрацаваныя батарэйкі вельмі шкодныя для экалогіі. Таму выкідаць іх рэкамендуецца не разам з іншым смеццем, а збіраць у спецыялізаваныя кантэйнеры для збору выкарыстаных элементаў харчавання.