Відэафакт: Дым ад лясных пажараў у Аўстраліі дайшоў да Чылі і Аргентыны
- 7.01.2020, 12:18
- 7,896
Жыхары гэтых краін пакуль не адчуваюць смуроду дыму.
Дым ад лясных пажараў у Аўстраліі, якія ахапілі краіну з лістапада мінулага года, дасягнуў Чылі і Аргентыны, паведаміла чылійская метэаслужба MeteoChile ў Twitter, піша РБК.
На прымацаваных спадарожнікавых кадрах дым бачны над паўднёвай і цэнтральнай часткамі Чылі. Як паведамілі ў метэаралагічнай ўправе краіны, жыхары не адчуваюць смуроду дыму, бо дым знаходзіцца на вялікай вышыні, паведамляе тэлеканал T13 Móvil.
Нацыянальная метэаралагічная служба Аргентыны пацвердзіла інфармацыю пра паступленне дыму.
Лясныя пажары бушуюць у Аўстраліі з лістапада 2019 года. Да тушэння прыцягнулі амаль 3 тысячы вайскоўцаў. Паводле апошніх звестак, у агні загінулі 24 чалавекі, а таксама блізу 350 каалы. На ўхіленне наступстваў стыхійнага бедства ўлады Аўстраліі выдалі амаль $1,4 млрд.
En la imagen (RGB Color Verdadero del GOES-16) se aprecia el humo (color café tenue) proveniente de los incendios forestales de Australia. El humo ha sido transportado por el flujo de aire hasta Chile y Argentina #humo #incendiosforestales #AustralianBushfire pic.twitter.com/hutnrX6hWP
— MeteoChile (@meteochile_dmc) 6 января 2020 г.