Палякі затрымалі адну з самых буйных партый кантрабанды беларускіх цыгарэт
27- 9.01.2020, 21:03
- 30,410
Яе агульны кошт ацэньваецца на суму блізу 1,5 млн еўраў.
Польскія мытнікі затрымалі адну з самых вялікіх партый кантрабанды беларускіх цыгарэт. Яе агульны кошт ацэньваецца на суму блізу 1,5 млн еўраў.
Як інфармуюць польскія падаткавікі, кантрабандны груз выявілі на беларуска-польскай мяжы. З пункта пропуску «Казловічы» на польскі бок прыехаў грузавік. Яго наважана было дасканала праверыць і з дапамогай сканэра ўдалося знайсці кантрабанду: нелегальны тавар быў схаваны ў іншым грузе.
З тайніка выцягнулі больш за 432 тысячы пачкаў цыгарэт з беларускімі акцызнымі маркамі. У дачыненні да кіроўцы, грамадзяніна Польшчы, распачалі крымінальную справу. Мужчына сваю віну не прызнае. Яго аўтамабіль і груз затрыманыя.