Гэта апошнія сутаргі ўлады

Лукашысты проста не ведаюць, што рабіць.

Трохразовая прызёрка Алімпійскіх гульняў Аляксандра Герасіменя ў інтэрв'ю YouTube-канале «Жыццё-маліна» заявіла, што не баіцца магчымага арышту.

- Цяпер для мяне абсалютна не страшна Жодзіна і Акрэсціна. Мне не страшна пасядзець у адзіноце, падумаць пра жыццё. Значна страшней угода з сумленнем, страшней бачыць усё гэта і маўчаць. Я не збіраюся судзіць людзей, якія падтрымліваюць уладу, але мне гэта зусім незразумела. Гэта як сказаць на чорнае, што гэта белае. Хочацца сказаць: ты што, дальтонік? Я не маю права гэта казаць. Кожны чалавек з часам зразумее. А калі не зразумее, то ўсё жыццё будзе вінаваціць тых чорных, якія прыйшлі і захапілі ўладу. Складана не разгледзець слана сярод мух.

Я не буду іх асуджаць. Тыя, хто трэба, прытрымліваюцца правільнай пазіцыі.

Думаю, цяпер шмат рознагалоссяў было ў сем'ях. Я ўвогуле не разумею, як можна жыць з чалавекам, які прытрымліваецца абсалютна іншых маральных прынцыпаў. Дзякуй Богу, у мяне ў асяроддзі такіх людзей не аказалася, - адзначыла Герасіменя.

Таксама яна расказала, якія мела пачуцці, калі даведалася пра арышт баскетбалісткі Алены Леўчанкі.

- Не магу сказаць, што гэта агрэсія. Гэта настолькі прадказальна. Гэта апошнія сутаргі ўлады, яны проста не ведаюць, што зрабіць: а давайце ўсіх пасадзім! Ну і што? Ну пасядзяць, выйдуць і далей будуць працягваць сваю дзейнасць. Гэта ўжо не страшна, як яны думаюць. Мы свядома на гэта ішлі.