Эканаміст Уладзімір Кавалкін выйдзе на свабоду датэрмінова
- 22.10.2020, 20:10
- 17,602
Уладзімір Кавалкін быў затрыманы 10 кастрычніка.
Менскі гарадскі суд скасаваў пастанову пра адміністрацыйны арышт Уладзіміра Кавалкіна на 15 дзён.
Пра гэта на сваёй старонцы ў Facebook паведаміў адвакат Сяргей Зікрацкі, паведамляе thinktanks.by.
Такім чынам, эканаміст SYMPA/BIPART заснавальнік праектаў Petitions.by і «Кошт урада» Уладзімір Кавалкін, прысуджаны да 15 дзён, выйдзе на волю сёння, адседзеўшы 12 дзён.
Датэрміновае вызваленне стала магчымым у сувязі з тым, што Мінскі гарадскі суд скасаваў пастанову Фрунзенскага раённага суда.
Уладзімір Кавалкін быў затрыманы міліцыяй блізу 19 гадзін вечара 10 кастрычніка.