Працоўныя БелАЗа: Хопіць хаміць нам і красці ў нас!
8- 24.10.2020, 12:37
- 28,874
На прадпрыемстве з'явіліся ўлёткі, якія заклікаюць да Нацыянальнага страйку 26 кастрычніка.
На БелАЗе сёння вывесілі такую ўлётку, паведамляе тэлеграм-канал «Краіна для жыцця»:
«ПРАЦОЎНЫ БЕЛАРУСІ!
ЧАС ЗАДАЦЬ ПЫТАННІ!
Колькі можна нам хлусіць? Колькі можна ўважаць нас рабамі і сваёй уласнасцю?
Хопіць хаміць нам і красці ў нас! Мы не быдла, а людзі!
Мы аддаём 49% падатку ад свайго заробку! Каму? Большай часткай тым, хто не ўважае нас за людзей! Тым, хто збівае нас, нашых старых, жанчынаў і дзяцей. Тым, хто забівае і калечыць нас. Хто ставіцца да нас як да людзей другога гатунку.
ПРАЦОЎНЫ БЕЛАРУСІ! Задай сабе пытанне – ты гатовы перадаць Радзіму ў такім стане сваім дзецям і ўнукам? Дзе за стырном забойцы, зладзеі, падхалімы?
Пытанне вызначальнае! БЕЗ ГВАЛТОЎНАЙ КРЫВІ!
Страйк!
Толькі разам, мы – сіла! Калі мы разам, яны баяцца нас! Калі мы адзіныя, яны вымушаныя браць нас да ўвагі!
Нагадаем, што Святлана Ціханоўская абвесціла Лукашэнку ўльтыматум. Ягоныя патрабаванні:
1. Лукашэнка павінен абвесціць пра сыход.
2. Гвалт на вуліцах павінен спыніцца цалкам.
3. Усе палітвязні павінны быць вызваленыя.
Тэрмін дзеяння ўльтыматуму заканчваецца 25 кастрычніка.
АДЗІН ЗА ЎСІХ І ЎСЕ ЗА АДНАГО!»