Менчукі пра Ніну Багінскую: Ад гэтай смелай жанчыны вее дабром і свабодай

73-гадовая актывістка ўчора ўдзельнічала ў Маршы вызвалення.

Чытач тэлеграм-канала «Баста» дзеліцца ўражаннямі пасля сустрэчы з легендарнай актывісткай Нінай Багінскай:

«Я сустрэўся з гэтай адважнай жанчынай! Ад яе вее дабром і свабодай. Яна 30 гадоў пратэстуе, але толькі цяпер яе ацанілі. Толькі цяпер людзі зразумелі, што гэтая далікатная жанчына несла дабро ў гэты мурашнік. Гэта значыць, што ўсе 30 гадоў неймаверных намаганняў не прайшлі дарма. Уявіце ейны стан! Дык давайце не выпусцім гэты гераічны подзвіг бясстрашнай жанчыны. Жыве вечна!»