Сіноптыкі: Да +12°С чакаецца ў Беларусі 2 лістапада

Заўтра будзе воблачна.

Пераважна без ападкаў, туман у асобных раёнах і да 12 градусаў цяпла чакаецца ў Беларусі 2 лістапада, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У панядзелак будзе воблачнае з праясненнямі надвор'е. Пераважна без ападкаў, толькі ўночы і раніцай на паўднёвым усходзе месцамі магчымы невялікія кароткачасовыя дажджы. У асобных раёнах чакаецца туман. Вецер прагназуецца няўстойлівы слабы.

Тэмпература паветра ўначы складзе ад 1 градуса ніжэй нуля да 5 градусаў цяпла, па паўднёвым усходзе - да 7, днём паветра прагрэецца да 6-12 градусаў цяпла.