Патрабуем увесці санкцыі супраць рэжыму Лукашэнкі за злачынствы супраць чалавечнасці

Спыніць карнікаў могуць толькі неадкладныя санкцыі Захаду!

Лідар грамадзянскай кампаніі «Еўрапейская Беларусь», экс-кандыдат у прэзідэнты краіны Андрэй Саннікаў зрабіў тэрміновую заяву.

«Спыніць карнікаў могуць толькі неадкладныя санкцыі Захаду!

Прашу максімальны рэпост!

Перакладайце на іншыя мовы ў сваіх краінах, распаўсюджвайце, патрабуйце ўвядзення санкцый ад палітыкаў.

Патрабуем увесці санкцыі супраць рэжыму Лукашэнкі за злачынствы супраць чалавечнасці:

- адключыць рэжым ад міжнароднай міжбанкаўскай сістэмы SWIFT;

- замарозіць рахункі дзяржаўных прадпрыемстваў за мяжой;

- спыніць закупкі нафтапрадуктаў, вырабленых у Беларусі;

- увесці эмбарга на ўсе ўгоды з кампаніямі, якія падтрымліваюць рэжым;

- абвясціць карныя органы Лукашэнкі тэрарыстычнымі арганізацыямі;

- санкцыянаваць арышт у кожным пункце свету міжнароднымі і нацыянальнымі судамі асоб, вінаватых у злачынствах рэжыму;

- выслаць усіх паслоў рэжыму як памагатых злачынстваў».