Пратэст з беларускіх вуліц нікуды не знік

Беларускім сілавікам давялося рэціравацца.

Сілавікі апынуліся дрэнна падрыхтаваныя да новага фармату лакальных пратэстаў. У выніку ў многіх раёнах Менска пратэсты сабралі тысячы чалавек, піша thinktanks.by.

Дэцэнтралізаваныя акцыі пратэсту, якія правялі ў Менску прыхільнікі перамен у нядзелю, 22 лістапада, прадэманстравалі не толькі сваю жыццяздольнасць. Яны пацвердзілі, што пратэст з беларускіх вуліц нікуды не знік. У інтэрнэце з'явіліся дзясяткі выяў з розных раёнаў Менску, на якіх адлюстраваныя сотні і нават тысячы людзей, якія працягваюць пратэст. Сілавікі проста не паспявалі здушыць іх усіх. А ў некаторых месцах лятучыя атрады сілавікоў, апынуўшыся ў відавочнай меншасці, рэціраваліся.

Гэтая тактыка была зручнай для пратэстоўцаў яшчэ і тым, што людзям не давялося ісці кудысьці ў цэнтр, прарываючыся праз кардоны сілавікоў. Выходзячы на сваю вуліцу, яны дзейнічалі на сваёй тэрыторыі, разам са сваімі сябрамі і суседзямі.

Нагадаем, што на гэтым тыдні на нарадзе ў актуальных пытаннях знешняй палітыкі Аляксандр Лукашэнка патрабаваў неадкладнага спынення пратэстаў у беларускай сталіцы. «На гэтым тыдні парадак павінен быць наведзены ў Менску», - заявіў ён.

Аднак пратэсты ўспыхнулі з новай сілай.