Еўрапейскія інвестары бягуць з Беларусі

Грошы сыходзяць з краіны.

Чыноўнікі рэзюмавалі нярадасныя вынікі: грошы з Еўропы пакідаюць тэрыторыю Беларусі другі квартал запар. Разбіраемся, хто забірае інвестыцыі больш за ўсіх, піша сайт banki24.by.

Кожны год урад плануе паступленне дырэктыўных замежных інвестыцый на чыстай аснове. Вось і на 2020 год прагнознае значэнне складае 1,7 млрд USD.

Дырэктыўныя замежныя інвестыцыі на чыстай аснове - гэта паказчык, які дазваляе ўбачыць плыні грошай інвестараў без уліку пазыковых інструментаў тыпу крэдытаў і пазык, дэбіторкі і крэдыторкі, лізінгу і г.д. Таксама чыстыя інвестыцыі бачныя як баланс паміж валавым паступленнем у краіну і вывадам рэсурсаў з яе.

У апошнім пяцігоддзі афіцыйны прагноз на паступленні дырэктыўных замежных інвестыцый споўніўся толькі адзін раз - у 2018-м. У 2019 годзе ўлады хацелі залучыць за 1,6 млрд USD, а фактычна нават разам з нерухомасцю і падаткамі выйшла 1,327 млрд USD.

Высокія шанцы на правал і ў 2020-м. За 9 месяцаў у краіну прыйшло 1,292 млрд USD, але чысты прыток інвестыцый назіраўся толькі ў 1 квартале. У 2 і 3 квартале грошы інвестараў сыходзілі з Беларусі.

Акрамя таго, каб выйсці на прагноз 1,7 млрд USD, за 4 квартал трэба залучыць больш за 400 млн USD. Нават у больш стабільныя часы, чым цяпер, у кастрычніку-снежні інвестыцыі паступалі слаба.

У сённяшніх умовах палітычнага і эканамічнага крызісу знайсці дзесьці 400 млн USD можна, прадаўшы буйны дзяржаўны акт. Але на мінулым тыдні Лукашэнка зноў заявіў, што не дапусціць «поўнай прыватызацыі». Значыць і гэты ручаёк грошай прыкрыты для Беларусі.

Ужо два кварталы запар адбываецца чысты адток дырэктыўных інвестыцый з Беларусі ў краіны Еўразвязу. У красавіку-чэрвені наша краіна страціла 128,4 млн USD, у ліпені-верасні - яшчэ 99,4 млн USD.

У 2 квартале сыход грошай у ЕЗ адбываўся на фоне сусветнага эканамічнага крызісу і ўцёкаў капіталаў з краін, якія развіваюцца ў развітыя. Да таго ж, на 2 квартал традыцыйна прыпадае пералік гадавых дывідэндаў замежным акцыянерам беларускіх прадпрыемстваў.

Вывад прамых інвестыцый у 3 квартале хутчэй звязаны з ўнутранымі прычынамі - выбарамі і падзеямі пасля іх. У абодвух кварталах галоўны адток грошай адбыўся праз Кіпр - 83,6 і 69 млн USD адпаведна. Мабыць, бізнэсы зараз больш, чым звычайна асцерагаюцца трымаць рэсурсы ў РБ.

На мінулым тыдні 16-22 лістапада стала вядома, што рыхтуецца трэці пакет санкцый Еўразвязу ў дачыненні да Беларусі. На гэты раз санкцыі могуць закрануць не толькі афіцыйных асоб, але і прадпрыемствы. Таму з высокай імавернасцю можна ставіць крыж і на інвестыцыях па выніках 4 квартала.